Lauki (Kaddu) Ke Tibbi o Ghizai Fawaid | Loki Ke Zariye ilaj

Lauki (Kaddu) Ke Tibbi o Ghizai Fawaid | Loki Ke Zariye ilaj

Mausam garma ki sehat bakhash aur lazeez ghiza lauki hai, jisay kaddu bhi kaha jata hai. Ibtida mein loki Arab, Iran aur Hindostan ke mukhtalif ilaqon mein kaashat ki jati thi. Rafta rafta zamana qadeem se kaasht honay wali ye sabzi ab duniya bhar mein bhi kaashat ki jane lagi hai.

Lauki jald hazem honay walay halki ghiza hai. Is ki aik khoobi ye hai ke ye na sirf khud jald hazem hoti hai balkay doosri ghzaon ko hazem karne mein madadgaar saabit hoti hai. Is ki 2 aqsam hain, aik gool aur doosri lambi.

Lauki ka shumaar vitamins aur tawanai bakhsnay wali behtareen sabzion mein hota hai. Loki mein mojood ghizai ajzaa mein protein, chiknai, maadni ajzaa, resha, carbohydrates shaamil hain aur lauki ke maadni aur hayatiati ajzaa mein calcium, phosphorus, iron ke ilawa vitamin bi complex bhi shaamil hai.

Lauki aik sukoon bakhash sabzi hai aur is mein jaraseem kash khususiyaat payi jati hain. Ye jism ko tar o tazah aur thanda rakhti hai. Isay khanay se thakan daur hojati hai, Chunkay is mein 96 feesad pani hota hai, is liye ye pyaas ko bhujati hai. Gosht aur garam masalha na sirf is ke zaiqay mein balkay is ki taseer mein bhi khatir khuwa izafah kar dete hain.

Lauki (kaddu) ka istemaal

Kaddu (loki) ko kayi tareeqon se pakaya aur istemaal kya ja taa hai, is ki tarkari, raita, halwa, heer aur marabba zaiqay aur pasand ke lehaaz se bohat maqbool hain, Europe mein kaddu ka shorba aur pudding ka istemaal aam hai.

Canada aur America mein Christmas ke mauqa ki khaas dish kaddu ka halwa hoti hai. Lakhnow ke bawarchi barri Lauki ko aisay hunar se pakatay ke bahar ka chilka kachi lokki ki terha sabz aur chamakdar rehta aur andar se poori terha pakka huwa aur lazeez hota.

Lauki ka moseeqi ke alaat mein istemaal

Lauki alaat moseeqi mein barray barray kamalaat ki haamil hai, barri ya jungli lauki shaakh ke sath lagi lagi sookh jati hai to is ki bairooni jald sakht ho jati hai usay andar se saaf kar ke sadhu apne sath rakhtay hain. Khushk loki se tma meem taar walay sazoon ka Painda bantaa hai jin mein sitaar, wachatarbeen, taan poora, been, ik tara, king sarangi, suroor waghera shaamil hain.

Loki ke ghizai o tibbi fawaid

Loki khana Sunnat Nabwi (SAW) bhi hai aur is se kayi amraaz mein Shifa millti hai, mahireen tib ne is ke kayi khawaas bayan kiye hain, huzoor anwar? ne farmaya. “Tumahray liye Lauki (kaddu) mojood hai ye aqal ko barhati hai aur dimagh ko taaqat deti hai”

Aik mauqa par huzoor anwar? ne hazrat aisha se farmaya.” aisha jab khushk goshat pakao to is mein kaddu daal kar izafah kar liya karo kyunkay ye ghamgeen dil ko mazboot karta hai” (Ibn Qaim)

Lauki (kaddu) ke zariye ilaj

yun to qudrat ne tamam sabzion aur phalon mein insani jism ki zaroriat aur ilaj ke liye paish baha khazanay chhupa rakhay hain, taham un sab mein kaddu (loki) ko khaas ahmiyat haasil hai.

Sarsam ki bemari ka qudrati ilaj

Mausam sarma mein bukhaar ki shiddat se sarsam ho jata hai, aik Lauki le kar is ka tukda kaat kar isi loki par jama den. Aur gandhay hue aattay ka laip kar ke tandoor ki garam raakh mein daba den.

Jab aatta pick kar surkh ho jaye to loki ko tandoor se nikaal kar is par se aatta hata kar is ka pani nichor kar mareez ki Umar aur taaqat ke paish e nazar taqreeban 20 gram se 60 gram tak desi shukar, sharbat aanar ya sharbat bazori motadil mila kar pilana mufeed hai.

Bachon mein sokhey ki bemari ka ilaj

Baaz bachon mein sokhey ki bemari ho jati hai is ke batadreej khatmay ke liye aik klov kaddu ke tukre kaat kar 60 gram hub klan bhar kar kaata huwa tukda oopar jama kar mltani matti ke laip se kinare band kar ke tandoor ki garam raakh mein daba den ye amal teen martaba dohra ke usay pees len aur powder rozana teen gram bachay ko istemaal karanay se sokhey ke marz mein afaqa ho jaye ga.

Taiz bukhaar ka ilaj

Agar kabhi bukhaar aik so chaar degree se bhi barh jaye to naram Lauki ke chaar tukre kar ke chaar aadmi mareez ke haath aur paon par aik aik tukda saada dahi ki iasi mein bigho kar ragrain, do chaar minute mein Lauki ke ragadnay walay tukre bukhaar ki hiddat ko jazb kar ke siyah aur garam ho jayen ge aur mareez ki haalat behtar ho jaye gi.

Bawaseer ka ilaj

Lauki ke chilkay pees kar Zaitoon ke tail aur mehndi ke pattoun ke sath kharl kar ke paanch minute dheemi aanch mein pakka kar bawaseer ke mareez ko pilanay se shiddat ikhtiyar karte marz mein kami waqay honay lagi gi. Is ke sath hi kaddu pees kar shehad mila kar din mein teen martaba mareez ko khilanay se faida ho ga.

Wazan mein kami

Wazan kam karne mein Lauki ka ahem kirdaar hai, wazan kam karne ke liye lauki ka chilka utaar kar usay bhaap (esteem) den aur iss ke baad galandar kar ke is mein podina aur lemoo aur hasb zayega namak daal den aur din mein do se teen martaba piyen. Is ke ilawa aap safaid zeera 100 gram aur ajwain 10 gram le kar un dono ko pees kar aik chaye ka chamach rozana subah shaam istemaal karen.

Kaddu (Lauki) ke deegar fawaid

  • Garmi ki shiddat se neend na anay par ya aankhon ke samnay andheera cha jane ki soorat mein Lauki kaat kar is ka juice tilon ke tail mein mila kar paon ke tilon par rozana raat ko maalish karne se gehri neend aati hai.
  • Kam mirch wala Lauki ka saalan khanay se anton ki jalan theek ho jati hai.
  • Loki ki dandi ka phal ke sath wala hissa kaat kar sikha len aur zahreeley keeray ke katay par shehad mila kar baar baar chatanay se katay ki takleef mein afaqa ho ga.
  • Lauki ya kaddu ke istemaal se ghabrahat aur wehshat door hoti hai
  • Khoon ki kharabi ke mareez ke liye kaddu ko meethay aanar ke sath khana mufeed hai. Is se khoon ki kharabi ke sabab jism par niklny walay danay aur phinsiyan khatam ho jatay hain.
  • Ye blood pressure ko aitdaal mein rakhti hai aur dil ki bimarion ko rokti hai
  • Lauki ki bail ke pattay ubaal kar cheeni mein mila kar pilanay se yarqaan ke marz mein afaqa hota hai.
  • Jigar ke amraaz ke liye kaddu ka marabba mufeed bataya jata hai.
  • Lauki khanay se maiday ki tezabiyat aur jalan waghera barri had tak daur hojati hai.
  • Lauki ke arq ko lemoo mein mila kar chehray par laganay se mahasay daur ho jatay hain.
  • Is khanay se gurdon ke dard mein na sirf aaraam milta hai balkay gurdon ki pathri bhi nikal jati hai.
  • Ye moseeqi ke alaat lakri se tayyar ho satke hain lekin lauki ke penday se aawaz mein jo goonj hoti hai aur sur jis terha zahir hotay hain is ka koi sani nahi. Saparon ki been mein bhi Lauki bain ke darmiyan lagi hoti hai.

Is tehreer se mutaliqa agar koi cheez aap ki samajh mein nahi aayi hai ya aap mazeed maloomat haasil karna chahtay hain to aap hamein comments kar satke hain. Aur agar aap ko ye tehreer achi lagi hai. To esay social media par zaroor share karen. Taakay aap ke dost ahbaab ki bhi behtar tor par rahnumaiye ho sakay.

Note:  Lauki (kaddu) se mutaliqa ye tehreer mehaz maloomat aama ke liye shaya ki ja rahi hai. Taham un tarkibon, tareeqon aur totkon par amal karne se pehlay apne mualij (Tabeeb, Doctor) se mahswara zaroor karen. Aur douran amal apne mualij se rabita mein rahen.