Pyaz ke fayde – Onion benefits in Roman Urdu

Pyaz ke fayde – Onion benefits in Roman Urdu

Pyaz mehez chilkon ka pachidha majmooa hai. jis mein koi maghaz nahi, isay chiltay jayen aakhir tak siwaye chilkon ke kuch haath nahi aeye ga. taham is ke ha th nah anay ke ba-wajood piyaz ki itni Khobiyan hain ke duniya bhar ke science daan aur mahireen tib o sahet ka daawa hai ke agar duniya se tamaam sabzian gayab ho jayen to bhi Insan ghatay mein nahi rahay ga

Pyaz ka asli watan asia hai. log isay bator-e-ghiza istemaal karte hain lekin is ke aur bhi istamlaat hain jin se log nawaqif hain, peyaz mein qudrat ne be shumaar fawaid rakhay hain .

Pyaz aik aisi sabzi hai jis ke baghair asiayi khaano ka tasawarr bhi mumkin nahi, duniya bhar mein is ko salad ke tor par bhi khaya jata hai aur khana bananay mein bhi istemaal kya jata hai. agar aap ke ghar mein pyaz mojood hai to mamooli zakham mein usay bator jaraseem kash istemaal kya ja sakta hai .

Pyaz ki aqsam aur khususiyaat

Pyaz ke mashhoor 3 rang ho te hain yani surkh, safaid aur zard, jungli peyaz ke pattay choray aur zayeqa kisi qader talkh hota hay. jab kay khaiton mein ugaya jany wala peyaz ziyada talkh nahi ho taa. pyaz bawarchi khanaay se ziyada dawaon mein kaam aata hai .

Pyaz jald par Sooraj ki shu-aon ke asraat ko khatam karne ke liye bohat mufeed hai, is mein mojood Sulfuric compounds jald ko soraj ki shu-aon se honay walay nuqsanaat ko khatam karne mein be-had madadgaar saabit hotay hain. is mein hawa mein mojood jaraseem ko khatam karne ki qudrati salahiyat hoti hai .

Francesi musannif likhta hai ke khajoor ke baad arbibon ka behtareen aur pasandeeda ghiza lehsun aur pyaz jaisi sabziyan theen .

France ka qaumi mashroob soup piyaz ka soup hai francesi pyaz ke so p ke aashiq hain. yahi wajah hai ke dil ke amraaz France mein kam hain. France mein 1912 usay peyaz par tahaqeeq ka silsila ja rahi hai. Ab tak France ne pyaz par 500 se ziyada risalay, kitaaben aur tehqeeqi maqalay muratab kiye hain. France ka qaumi mashroob pyaz ka so p America , Canada aur England ki markeeton mein distiyab hai .

Pyaz se ilaj

1 khansi se nijaat

khansi mein mubtala afraad pyaz ko cheel kar slice ki soorat mein kaat len ab har slice mein aadha chaye ka chamach brown sugar dalain aur taqreeban aik ghantay ke liye dhak kar rakh den, mutasirah afraad isay din mein do martaba khayen, is mein mojood salfer mein anti bacterial khususiyaat hoti hain jo khansi ki wajah ban’nay walay jaraseem ko khatam karne mein madad karti hain .

2 Balon ka girna

Aksar khawateen balon ke girnay ki wajah se sakht pareshan nazar aati hain, baloon ki nashonuma behtar karne ke liye pyaz ko pani mein boil karen, ab is pani ko shampoo se pehlay balon mein lagayen, yeh nuskha balon ki nash-o-numa mein izafah karne ke sath khushki ke khatmay ke liye bhi be-had mufeed hai .

3 Nizaam Inhizaam ki durustagi

peyaz jismani aaza ke sath pait mein dard aur nizaam inhizaam ko darast karne ke liye be-had mufeed hai, agar chhootey bachay ko in mein se koi shikayat ho to inhen har aik ghantay mein aik chaye ka chamach payaz ki chaye pilain jab tak ke inhen aaraam na aa jay. peyaz ki chaye bananay ke liye aik pyaaz len aur usay pani mein ubaal len aur phir usay thanda kar kay chhaan len piyaz ki chaye tayyar hai .

4 Seenay ki takleef ka khtama

Pyaz ko crush kar kay is ka paste banalen aur is mein thora sa nariyal ka tail shaamil karen, ab usay seenay par lagayen aur kisi toliye se dhak den, yeh qudrati tor par aik anti biotic ke tor par kaam karte hue jism ke mdafati nizaam ko behtar banaye gi, jab kay pyaz se niklny walay bukharat seenay mein takleef aur khansi mein aaraam delaina ge .

5 Pyaz ke zariye dard aur soojan ka ilaj

Agar jism ke kisi hissay par keeray ke kaatnay ke baais dard aur soojan peda hogayi to is hissay par payaz kaat kar rakhen ya phir pyaz ka taaza juice mutasirah hissay par lagayen, peyaz ke andar mojood dard aur soojan kam karne walay ajzaa takleef mein aaraam pahnchayin ge .

6 Qowat baah mein izafah

Mard hazraat apni qowat baah badhaane ke liye mukhtalif tareeqay aur harbe istemaal karte hain, lekin aksar inhen nakami ka saamna hi karna parta hai. aaj hum aap ko wo intahi kaar amad, aasaan aur be zarrar tareeqa bitayen ge jis ke koi manfi asraat nahi hain. qudrat ne piyaz mein woh khususiyaat panhan kee hain ke aqal gum hojati hai .

Jaisay agar uzoo badan sahih terha se kaam nah kar raha ho to pyaz is kamzoree ko nah sirf daur karta hai balkay usay qudrati haalat mein wapas laane mein bhi ahem kirdaar adakrta hai. is ka tareeqa istemaal yeh hai ke khanay ke sath pyaz khayen, peyaz ko salaad ka laazmi hissa bana len .

7 Ulti ka khtama

Agar kisi wajah ke baais aap ko ulti aeye to 2 chaye ke chamach payaz ka juice pyin aur 10 minute intzaar karne ke baad 2 chaye ke chamach peyaz ki chaye pyin aur dobarah das minute intzaar karen is amal ko is waqt taq dohraen jab tak ke tabiyat mein behtari nahi aa jati .

8 Bukhaar se nijaat

Bukhaar mein mubtala afraad pyaaz ko slice mein katin apne peeron ke nichale hissay mein thora sa nariyal ka tail lagayen aur phir is par slice mein kati hui piyaz rakh den aur isay kisi mozay ya plastic se dhak den aur raat bhar isay aisay hi rehne den is mein mojood qudrati ajzaa bukhaar peda karne walay jaraseem ko khatam kar den ge .

9 Zakham bherna

Pyaz mein mohlik aur kharab zakhamo ki herat angaiz tor par theek karne ki salaheet mojod hai. hamaray diyatoon mein first add ke tor par khoon band karne aur zakhmon ke dard se nijaat ke liye peyaz ke sath haldi garam kar ke zakhmon par bandhnay se aaraam aata hai aur zakham bherna shuru ho jata hai .

Doosri jung azeem mein zakhmi sapiyon ka ilaj kachay pyaz se kya gaya. zakham par peyaz bandhnay se jald aaraam aa jata hai. aur do din ke andar zakham khushk hona shuru ho jata hai .

10 Mukhtalif bimarion se nijaat

Galaay ke barhay hoye ghudood, kaali khansi, phephray aur halaq ki bimariyan nazla, zukam, diabities, sir dard, mirgi, maiday ke zakham ke amraaz mein pyaz ka istemaal Shifa bakhash hai zahreeley, keeray, saanp, bichoo kat le to jism ke is hissay par piyaz aur no sha Dur ka pani lagayiyae soozish ja ti rahay gi blood pressure aur dil ke dosray amraaz mein lahsun aur pyaz ka istemaal shifa bakhash hai .

11 Gunjay pan ka ilaj

Ganj ka behtareen ilaj pyaz ka arq hai is ke musalsal maalish se baal dobarah agg atay hain .

Pyaz bator jaraseem kash

Pyaz jaraseem kash hai. khoon mein tezabi maadon ko pyaz ka musalsal istemaal khatam kar daita hai. piyaz khoon ke barhatay dabao ko kam kar deta hai. is ka musalsal istemaal dil ke doray se mehfooz rakhta hai. England mein tajarbay ke tor par hospitals mein mareez ko aisi dawayen di gayi jin mein payaz ka ansar shaamil tha woh mareez sahetyaab ho gaye .

Note : Pyaz se mutaliqa ye tehreer mehez maloomat aama ke liye shaya ki ja rahi hai. yaad rakhen har totka har insan ke liye nahi hota. iss liye apne tain koi nuskha mat azmayen, balkay apne mualij ( Doctor, Tabeeb ) se mahswara kar ke is ki hadaayat ke mutabiq amal karen, shukriya.