Aaj hi to Gareebi ka maza aaya hai – Aik Sabaq Amoz Kahani

Aaj hi to Gareebi ka maza aaya hai - Aik Sabaq Amoz Kahani

Aik gaon mein ghareeb naai rehta tha jo aik darakht ke neechay kursi laga ke logon ki hajamat karta. Mushkil se guzar basar hoti. Us ke paas rehne ko na Ghar tha, na Biwi thi, na Bachay they.

Aik Chadar aur aik Takiya us ki kal malkiat thi. Jab raat hoti to wo aik band School ke bahar chadar bichata, takiya rakhta aur so jata.

Aik din Subah ke waqat gaon mein Selaab aa gaya. Uss ki aankhh khuli to har taraf shore o ghul tha. Wo utha aur shool ke sath bani Tanki par charh gaya. Chadar bichai, deewar ke sath takiya lagaya aur late kar logon ko dekhnay laga.

Log apna samaan, ghar ki qeemti ashya le kar bhaag rahay they. Koi naqdi le kar bhaag raha hai, koi zewar, koi bakriyan to koi kuch qeemti ashya le kar bhaag raha hai.

Yeh bhi parheen. Qowat bardasht kya hai. Qowat bardasht ke hawalay se paanch sabaq amooz waqeat

Isi douran 1 shakhs bhagta aa raha tha, is naay sonay ke zewar, pesey aur kapray uttha rakhay they. Jab wo is naai ke paas se guzra aur ussay sukoon se letey hue dekha to rُk kar bola :

Oye saaddi har cheez ujadh gayi ae. Saaddi jaan te bani ae, te to aythe sukoon naal leyta hoya win. ( tarjuma : hamara sab kuch barbaad ho gaya hai. Hamari jaan par bani hui hai. Aur tum yahan sukoon se letey hue ho )

Yeh sun kar wo hans kar bola : lale! Aj ae te gurbat di chas aayi ae. ( tarjuma : bhai sahib, aaj hi to gareebi ka maza aaya hai. )


Gareebi naam hai jis ka azaab jaan hoti hai
Magar doulat ki kasrat mohlik imaan hoti hai


Jab mein naay yeh kahani suni to hans para. Magar phir aik khayaal sa aaya. Mein rozِ mehshar walay din ka sochnay laga ke rozِ mehshar ka manzar bhi kuch aisa ho ga jab tamam insanon ka hisaab qaim ho ga.

Aik taraf ghareebon ka hisaab ho raha ho ga. Do waqt ki rootti, kapra. Haqooq allah aur haqooq al ibad. Aik taraf ameeron ka hisaab ho raha ho ga. Plaze, dukanain, fiktryan, gariyaan, bngle, sona chandi, mulazim, paisa, halal haraam, aish o aaraam zkoh. Haqooq allah aur haqooq al ibad.

Itni cheezon ka hisaab kitaab dete hue paseenay se sharabor aur khauf se thar thar kanp rahay hon ge.

Doosri taraf ghareeb kharray unn ko dekh rahay hon ge. Chehray par aik ajeeb sa sukoon aur shayad dil hi dil mein keh rahay hon ge ke’ ‘ aj e te ghari di chas  aayi ae ( yani aaj hi to gareebi ka maza aaya hai. )

Is qisam ki mazeed sabaq amooz kahaniyan aur waqeat parhnay ke liye Yahan Click karen. Ap ko yeh sabaq amooz kahani kaisi lagi, comments mein bitayen aur agar achi lagi hai to usay apne doston ke sath social media par share karna na bholiye. Shukriya