Biwi ko khush rakhnay ke tarike | Happy Wife Easy Life

Biwi ko khush rakhnay ke tareeqay Happy Wife Easy Life in Urdu Hindi

Mard ki zindagi aurat ke baghair adhari hoti hai. Shadi ke baad biwi apna ghar baar, behan bhaieyon, saheliyo aur bohat se Aziz rishton ko chor kar aik paraye dais, paraye ghar aati hai. Is ko kuch waqt chahiye hota hai taa-kay wo naye mahol ke sath adjust kar sakay.

Shadi ke pehlay do saal bohat ahem hotay hain. jo mard yeh saal samajhdaari se guzartay hain, un ki shareek hayaat hamesha un ke sath khush o mutmaen rehti hai. isi liye kehte hain ke Happy Wife Easy Life, aik achi aur Khushgawar zindagi ke liye biwi ki khushi bohat zurori hai.

Miyan aur Biwi gaari ke do tyre hotay hain, agar gaari ka aik tyre kharab ho jaye to wo nahi chal sakti, isi terha zindagi ki gaari ko chalanay ke liye bhi miyan aur Biwi ka aik sath chalna zaroori hota hai,

Lekin dekha gaya hai ke pasand ki shadi karne walay logon ki bhi zindagi tabah-o-barbaad ho kar reh jati hai, jis ki main wajah aurat ko samjha jata hai.

Jab ke is mein mard ka qasoor bhi itna hi hota hai jitna aurat ka, kyun ke mard aurat ko samajte hi nahi, jis ki wajah se mushkilaat paida hoti hain.

Biwi ko Khush Karna

Kaha jata hai ke biwi ko khush karna duniya ka sab se mushkil kaam hai, aap kuch bhi kar len apni begum ko kabhi khush nahi rakh satke, yeh baat bilkul ghalat hai, kyunkay biwi ko khush rakhna itna bhi mushkil nahi hai jitna ke samgha jata hai.

Aaj ki tehreer mein hum aap ko batayen ge ke woh kon se kaam ya batein hain ke jin ke karne se aap ki begum hamesha khush rahay gi.

1 Biwi ki tareef karna

Aurat duniya ki wahid makhlooq hoti hai, jis ki chahay jhooti tareef karo ya sachhi, wo foran khush ho jati hai, aur yahi aurat ki sab se barri kamzoree kehlati hai ke wo apni tareef sun kar sab kuch bhool jati hai,

Is liye shadi ke baad aik khushgawar zindagi guzarnay ka sab se pehlay formula ye hai ki apni Biwi ki tareef karte rahen, tareef karne ke bohat se tarike ho satke hain, jaisay:

Haftay mein kam az kam aik baar is ke haath ke banay khanay ki tareef zaroor karen, chaye khana kitna hi bad mazah kyun na ho, is ka faida ye ho ga ke agli dafaa wo aur acha khana tayyar kere gi.
Mahinay mein kabhi kabhar is ki aadaon ki tareef kar diya karen, koi bhi larki chahay kaisi bhi ho, is mein koi na koi ada aisi zaroor hoti hai, jo sab se allag aur munfarid hoti hai, is liye is ada ki tareef karen.
Mahinay mein kam az kam teen char bar is ki dressing ki tareef zaroor karen, iss se wo hamesha bani tani rahay gi.
Kabhi kabhar is ke husn ki tareef kar diya karen, is se wo apni aur care kere gi.
Mahinay mein ye jumlay kabhi kabhar bolnay se mohabbat aur barhti hai.

  1. Tumahray kya kehnay, tum sab se allag ho.
    2. Zindagi mein zaroor mein ne koi naik kaam kya ho ga jo tum mili ho.
    3. Mein aaj jo is maqam pay hon, ye sab tumhari wajah se hai.
    4. Kash duniya ki saari larkiyon ki soch tumhari jaisi hoti.
    5. Kash tum meri zindagi mein pehlay aa gayi hoti. Tumhari yahi adayey (baatein) mujhe maar deti hain.

3. Aapas mein understanding rakhna

Shadi ke baad baqi saari zindagi aap ne apni wife (Biwi) ke sath guzarni hoti hai is liye aapas mein under studying rakhen, aap is ke jazbaat samjhain,

Kyunkay aurat oopar (bahar) se chahay jitni sakht ho, andar se (dil se) itni hi naram aur sensitive hoti hai, aapas mein under studying rakhnay se aik dosray ko samajhney mein aasani hoti hai, aur zindagi khail hai khail mein guzar jati hai aur pata bhi nahi chalta.

4. Biwi se mahswara karna

Khawand ko chaiye ke har kaam mein apni Biwi se mahswara kere, baaz dafaa hota ye hai ke mard samjhta hai ke aurat nasamajh, jaahil aur be waqoof hoti hai, is liye wo apni Biwi se mahswara karna gawara nahi karta, lekin haqeeqat mein aisa nahi hota,

Aurat laakh be waqoof sahi, par apne khawand ko kabhi ghalat mahswara nahi day gi,
Farz karen aap ki Biwi aap ko hamesha ghalat mahswara deti hai, pِhr bhi is se mahswara zaroor len, baat sirf mashwaray lainay ki hai, amal to aap ne khud karna hota hai, wo apni marzi se Karen.

Ye bhi parhen: Shadi karne se mard aur aurat ko kya fayda hota hai?

Mahswara karne ka ye faida hota hai ke begum samjhti hai ke dekho mera khawand mujhe kitni ahmiyat deta hai, is liye ziyada nahi to mahinay mein aik do baar hi sahi, apni Biwi se kisi bhi baat par is ki raye (mahswara) zaroor le len,

5. Dostana aur Romantic mahol

Apni wife ke sath romantic aur dostana rawayya rakhen, aap jitna is se friendly hon ge, wo aap ki itni izzat kere gi, is liye koshish karen ke ziyada gussa na karen, baat baat par Biwi ko na danten, is ke sath dostana taluqaat rakhen,

Be-shak aap ki shadi arrange marrage hui ho, par lagni aisay chaiye jaisay lo marrage hui hai. Romantic aur friendly mahol zindagi ko khushgawar banata hai. Is liye ghar ka mahol romantic aur friendly hona chaiye, taa ke aik pursukoon zindagi busr ki ja sakay.

Biwi ko khush rakhnay ke liye uski her demand poori karna
Koshish karen ke Biwi ki har jaaiz demand poori karen, aur usay apne maali halaat ke baray mein sab kuch sach sach bta den, taa ke wo aap ki hesiyat ke mutabiq aap se demand kere,

Agar aap ne apni Biwi se jhoot bola hawa hai. Aur usay apni hesiyat apni auqaat se barh kar batayi hui hai to aap ke liye bohat saaray masail (mushkilaat) peda ho satke hain.

Is liye jahan tak ho sakay apni Biwi se sach bolein, taa ke wo aap se aap ki hesiyat ke mutabiq demand kere, aur aap bhi is ki demand ko aasani se poora kar saken

6. Mahinay mein aik baar Biwi ko ghumanay le jana

Khushgawar zindagi ke liye zaroori hota hai ke aap mahinay mein kam az kam aik baar apni Biwi ko kahin ghumanay le jayen, is ke liye aap kisi park, kisi hotel, kisi tareekhi jagah par bhi ja satke hain,

Lambay arsa tak ghar mein kaam kar kar ke insaan ukta jata hai, is liye refreshment zaroori hoti hai, aap ka maheena mein aik baar apni family ko bahar outing pay laa jana aglay poooray mahinay ke sukoon ka sabab bantaa hai.

7. Biwi ke kaam mein haath batana

Allah pak haath se kaam karne walay ko pasand karta hai, ziyada tar khawand samajte hain ke agar mein ne Biwi ki kisi muamlay mein is ki help kar di to meri kya khaak izzat reh jaye gi,

Yaa log kya kahin ge ke dekho joru (Biwi) ka ghulam hai, ye sab hamari soch aur hamaray muashra ki ghalat riwayaat hain.

Sochen jo larki sirf aap ki khatir apne maa baap behan bhai balkay saari family chore kar aati hai, kya is ka itna haq bhi nahi bantaa ke hum is ki thori se help kar dein, is ke kaam mein haath batta den.

8. Begum se kuch na chupayen

Zindagi mein baaz baatein aisi hoti hain jo hum kisi se bhi share nahi karna chahtay, lekin Biwi ka maamla is se allag hai, kyunkay Biwi aik aisi zaat hoti hai jis ke sath aap ne pahar jaisi zindagi guzaarni hoti hai,

Is liye koshish karen ke apni wife se kuch na chupayen, kyunkay agar aap is se kuch chupayen ge to jab bhi usay is baat ka pata chalay ga is ka aap par se aetmaad uth jaye ga.

9. Begum ki feeling ko samjhna

Insaan jazbaat ka majmoa hai, agar insaan mein se jazbaat nikaal diye jayen to sirf gosht ka pahar reh jaye ga, jazbaat se khushi ghami, dukh sukh ka pata chalta hai.

Is liye aik achay shohar ke liye zaroori hai ke wo apni Biwi ke jazbaat ko samjhay, aur jo cheez is ke marzi ke khilaaf ho wo chore day, aur jaisa wo chahti hai waisi zindagi guzaarne ki koshish kere.

10. Biwi ko waqt dena

Aap Biwi ki zaroriat poori karen na karen, lekin Biwi ko khush rakhnay ke liye is ke sath ziyada se ziyada waqt guzaraian. Kyunkay aurat bhukhi to reh sakti hai, par aap is ko ignoor karen ye bardasht nahi kar sakti, shadi se pehlay ziyada tar mard apni honay wali wife se har waqt baat karne ke liye tayyar rehtay hain,

Shadi ke baad baz dafaa aisa hota hai ke hafton hafton un ko Biwi se baat karne ka bhi waqt nahi milta, farz karen agar aap kahin job (nokari) karte hain to din mein aik do baar ghar cal kar ke Biwi ki kheriyat pooch len,

is se poucheen ke kuch chahay to nahi. Is se Biwi ke dil mein aap ke liye pyar aur mohabbat mazeed gehri ho gi.

11. Ghair zaroori baton se parhaiz

Baaz mardon ki aadat hoti hai ke wo lambi lambi chortay hain, aisa karne se Biwi ki nazar mein aap ki koi izzat nahi rehti, mard chaye jitna bhi ghatiya kaarobar karta ho Biwi bardasht kar layte hai, par wo ye bardasht nahi kar sakti ke mard se hota kuch na ho, aur har waqt bas lambi lambi chhorta ho.

Ye bhi parhen: Choti Umar mein shadi karne ke fawide

kyunkay lambi lambi chorney wala haqeeqat mein kuch nahi kar sakta,
is ke ilawa aisi ghair zaroori baatein aur bharken na marain, jo aap poori nahi kar satke, is liye hamesha Biwi ke samnay waisi hi rahen jaisay aap haqeeqat mein hain, kyunkay poori zindagi jhoot ke saharay nahi guzari ja sakti.

12. Yaad rakhnay ki cheezen:

  • Agar mard un baton ka khayaal rakhay ga, to is ki  azwaji zindagi mein kabhi koi problam nahi ho gi, aur Biwi is se bohat khush ho gi,
  • Apni Biwi par mukammal aetmaad karen.
  • Apni Biwi ko ehsas delaina ke wo aap ke sath mehfooz hai.
  • Biwi ko barabari ka darja den.
  • Mohabbat ka izhaar zaroor karen, i love youi miss you jaisay jumlay zaroor bolein.
  • Mahinay mein kam az kam aik gift zaroor den, aur baz dafaa surprize zaroor den.
  • Biwi ko outing par le kar jayen.
  • Wife ki saalgirah hamesha yaad rakhen.
  • Haftay mein kam az kam do baar Biwi ke paas zaroor jayen.
  • Biwi ke ltifon par muskuraye.
  • Jab begum sath ho to ghair aurton ko na dekhen, aur na gorain.
  • Biwi ke haath ke pakay hue khanay ko itna hi pasand karen jitna walida ke khanay ko karte hain.
  • Apni saas aur maikay walon ke liye izzat aur mohabbat ka jazba rakhen.
  • Biwi ko maikay zaroor bhejen.
  • Biwi tv par agar kuch dekh rahi ho to is ko aap bhi enjoy karen.

Agar aap ko ye post achi lagi hai to usay social media par share karna bhulen, shahid aap ki wajah se kisi aur ki behtari ho jaye, agar is post se mutaliqa ka koi bhi baat aap ki samajh mein nahi aa rahi,

Agar aap kuch poochna chahtay hain to blajhjk comments mein pooch satke hain, aap ke har comments ka jawab diya jaye ga. Shukriya