Shadi Shuda Zindagi ki Kamyabi ka Raaz

Shadi Shuda Zindagi ki Kamyabi ka Raaz

Shadi aik khobsorat bandhan hai, is bandhan ko tahaffuz dainay aur mazeed mazboot karne ke liye zurori hai ke Shadi shuda afraad aik dosray ke sath khush ikhlaqi aur khush mizaji se paish ayen, aur zindagi ki talkhioun ka ilaaj bahami taawun se talaash karen.

Yahi tarika hai jis se zindagi mushkil se mushkil halaat mein bhi nakhushgawaar rukh ikhtiyar nahi kere gi.

Shohar aur Biwi dono aik gaari ke do phaiyon (Tyres) ki terha hain, agar gaari aik aik pahiyah ( Tyre ) kharab ho jaye to gaari nahi chal sakti. Isi terha azdawaji zindagi mein Miyan aur Biwi aik dosray ka sath den. Aik dosray ki zaroriat ka khayaal rakhen.

Ziyada tar nojawan larke aur larkiyan Shadi se pehlay khud ko sanwarnay aur sajaaney ke liye ghanton aienay ke samnay guzaar dete hain, Shadi ke baad bhi chand dinon tak ye mamool qaim rehta hai lekin rafta rafta jab zindagi mamool par anay lagti hai to Shohar aur khaas tor par aksar Biwiyan khud par tavajja dena chore deti hain.

Begum ghar ke kamon, bachon aur doosri masrofiyat mein lag jati hai aur Shohar ko daftari kaam se fursat nahi millti.

Biwi ko apne Shohar se jazbati aur qalbi lagao ki zaroorat hoti hai. Ye naazuk farq Miyan aur Biwi ke darmain nachaki ka baais bhi ban jata hai. Jo mard apni byoyo n se kam kam bo lte hain.

Un ki baton par tavajja nahi dete, inhen is baat par khaas tavajja daini chahiye ke un ki Biwiyan un ki aawaz suneney ke liye beeta bay rehti hain.

Hatta ke agar daftar se un ke Shohar ka phone aajay aur inhen aik jumla hi suneney ko mil jaye to ghanton Shohar ki aawaz un ke kano n mein ras gholti rehti hai.

Shohron ko chahiye ke ghar se daftar aur daftar se ghar atay waqt chand jumlay dil lagi aur chahat ke andaaz mein zaroor karen taakay wo aap ki adam mojoodgi mein aap ki baton ko so chay kar khush o khurram rahay.

Ye bhi parhiye : Biwi ko khush karne ke tarike

Aksar Biwiyan apne aap ko saja sanwaar kar nahi rakhtin aur yun Shohar un par tavajja dena kam kar dete hain. Wo khud bhi is baat se aahista aahista la parwah ho jati hain.

Jis ke nateejay mein un ki khoubsurti maand parney lagti hai aur jab inhen Shohar ki taraf se tareefi jumlay aur sataishi nazrain nahi milteen to un ka apne oopar se aetmaad kam ya khatam honay lagta hai.

Phir jab kisi khatoon ke Shohar ko doosri khawateen ziyada khobsorat nazar anay lagti hain to wo un ki tareef karne lagtay hain tab aisi Biwiyan adam tahaffuz, hasad aur shukook o shubhat ka shikaar honay lagti hain.

Apne oopar tavajja, apne aap ko purkashish rakhna, khush ikhlaqi se aik dosray ki khamion ko daur karne ki achay andaaz mein koshish, bachon ki parwarish aur aik dosray ke liye bharpoor tavajja na sirf aap ko infiradi tor par pursukoon, mutmaen aur khush rakhay gi balkay aap ki azdawaji zindagi ke tamam din, Shadi ke ibtidayi dinon ki terha purkashish, hussain aur mutmaen guzren ge. Aazma kar dekh lijiye.

Khushgawar azdowaji taluqaat ke liye aik dosray ko tohfay ahaef dainay chahain. Apne jeevan saathi se apne khuloos aur mohabbat ka izhaar karte rehna chahiye, is terha aap ki azdawaji zindagi ki dor mazboot hoti jaye gi aur aap ka gharana khush o khurram rahay ga.

Qabil rashk azdawaji zindagi aur behtareen taluqaat ke liye ye baat bohat ahem hai ke Pati aur Patni aik dosray ki guftagu ke ilawa tasurat ke zariye kahi gayi baat bhi samajte hon. Goya nigahon ki zabaan jan-nay hon, khil kar apne ehsasat ka izhaar karne walay hon.

Shohar aur Biwi dono ko aik dosray ka khayaal rakhna zurori hota hai aur is khayaal rakhnay par inhen aik dosray ke mashkoor bhi hona chahiye. Bunyadi tor par Khawand aur Biwi aik dosray se apne behtareen bartao aur sulooq ka izhaar karte hain lekin dono ko sirf aik dosray ko lubhaney aur waqt guzari ke liye aisa nahi karna chahiye.

Pur khalos mohabbat ka izhaar zurori hai warna doosri soorat mein Shadi shuda zindagi mein tanao peda ho sakta hai. Bil farz aap ke Shohar ke paas aap ke liye waqt na bhi ho tab bhi khud par tavajja deti rahen.

Agar Shohar aap ki tareef nahi karta, aap ki khoubsurti ko nahi srahta, phir bhi din mein kuch waqt nikaal kar aienay ke samnay is terha bathain aur apna jaiza len jaissa ke Shadi se pehlay ya Shadi ke baad kuch arsa tak aap aienay ke samnay bithti theen.

Ye bhi parhiye : Shohar ko khush karne ke tarike

Jab aap ke andar aetmaad peda ho ga to aap ko apne Shohar ki tavajja haasil ho hi jaye gi. Jab aap jazib nazar dikhayi den gi to Shohar zaroor aap ki taraf mutwajjah ho ga.

Agar aap kisi rastay ke raahi hain ya rishte mein Miyan Biwi hain to safar ki manzilain aasani se tey paskti hain agar aap dono aik dosray ki khamion aur khoobiyon ka andaza karne ke baad safar ki ibtida karen kyunkay agar aap mard hain ya aurat, kisi bhi aik faisla ke mutaliq aap dono ki aaraa mukhtalif hosakti hain.

Miyan Biwi Shadi ke bandhan se munsalik honay ke baad aik behtareen muashra tashkeel dainay ke liye hum ahangi se zindagi ke safar ko jari rakhay hue hotay hain agar dono mein hum ahangi ka ansar nahi hoga to zindagi ki rahein kathin aur dushwaar guzaar ho jaien gi.

Khawand ko begum ke nafsiati pehluo aur Biwi ko Shohar ki psychology ka andaza hona zurori hai. Isi na ashanie ke sabab aksar Miyan Biwi ke darmain aik aisi nakhushgawaar fiza qaim ho jati hai jahan dono aik dosray ki kamzoriyon aur khamion ko hadaf ka nishana banatay hue har waqt tanqeed karte hain yun dono ke darmain aik na chahtay hue bhi muqaabla ki fiza qaim hojati hai.

Waqt ke guzarnay ke sath sath dono ke darmain aik dosray ko neecha dikhaane ki justojoo barhti jati hai. Dono is baat se laa ilm rehtay hain ke jana kahan tha aur ja kahan rahay hain.

Miyan Biwi mein muqaabla ki is daud mein dono ke andar aik aur insan panpanay lagta hai jo mauqa ki talaash mein hota hai ke mukhalif fard ko kaisay zuk pohanchai jaye.

Yaad rahay ke jaisay jaisay rishta izdiwaj se munsalik afraad ke mabain ye kashmakash barhti jati hai to dono taraf mohabbat bhi kam ho ti jati hai jis ke nataij bohat hi takleef da saabit ho saktay hain. Shadi zindagi bhar ka atot bandhan hai, usay purkashish aur assar angaiz bananay ke liye apne pyar ko kam na honay den.

Aisi khawateen jo khud ko apne shohron ke liye foot aur smart rakhnay ki koshish karti hain, khud par bharpoor tavajja deti hain. Khobsorat nazar anay aur Shohar ki tavajja apne oopar markooz rakhnay ke liye khud ko sanwarti hain.

Reserch se saabit huwa hai ke aisi khawateen ke Shohar mukammal tor par un ki taraf raghib rehtay hain. Yun aisay joron ki zindagi mein Shadi ke barson guzarnay ke baad bhi khusihyan barqarar rehti hain.

Yahi tamam baatein shohron par bhi sadiq aati hain. Shohron ko apne kaam mein is hadd tak nahi jat jana chahiye ke wo apni Biwion aur bachon ke liye bhi waqt na nikaal saken. Inhen is ke darmain tawazun rakhna chahiye.

Ghar par begum ke sath kaam nibtana, usay tavajja dena, is ki zaroraton ka khayaal rakhna, bachon ke muamlay mein aapas mein mahswara karna, gharelo mamlaat mein dilchaspi lena, Biwi (Patni) ki tareef karna, acha mahol peda karta hai.

Is ke ilawa shohron ko apnay oopar bhi tavajja deni chahiye. Baqaida werzish, chehal qadmi, mutawazan ghiza, aaraam aur zehni sukoon un ko foot rakhay ga.

Shohron ko apni wo aadat tark karne ki koshish bhi karne chahiye jin ki wajah se logon ke darmain Biwi ko sharmindagi mehsoos hoti hai. Shohar ko begum par hukum nahi balkay darkhwast karni chahiye. Is terha Biwi ko apni ahmiyat ka andaza hota hai aur wo khushi khushi Shohar ki baat manti hai.

Shohar aur Biwi dono ko aapas mein achi zehni hum ahangi rakhni chahiye. Aik dosray ki pasand, khwahish o talabb ka khayaal rakhna chahiye.

Mahireen nafsiat ka ye bhi kehna hai ke Miyan Biwi ko aik dosray se be ja tawaquaat wabsta nahi karni chahain. Agar Miyan Biwi dono hi aik dosray se be ja tawaquaat wabsta kar len aur dono ya koi aik un tawaquaat par poora na utar sakay to lamhalh ranjish aur bud mazghi peda ho jaye gi.

Agar dono mein se koi aik mukhtalif riwayaat ki takmeel ke mauqa par khud apne liye to allag miyaar rakhay jabkay dosray ke liye allag miyaar… To ye baat aapas mein talkhiyan peda karne ka baais banay gi.

Jis terha aik Shohar chahta hai ke is ki Biwi is ki khidmat kere is ki diljoi kere, isi terha Biwi bhi chahti hai ke is ka Shohar is ka har terha se khayaal rakhay, aur is ki jaaiz zaroriat poora kere, is ke liye waqt nikalay, agar begum ko sasural mein koi mushkil paish aeye to is ka sath day aur is ki mushkil ko samjhay, na ke is par hi tanqeed karta rahay.

Shadi aik khobsorat rishta hai jis ke daman mein aik azeem maqsad khushi aur sukoon ka husool hai lekin baaz joron keliye ye rishta aik aziat naak dukh mein tabdeel hojata hai. Halaank Shadi ke waqt ye ehad kya jata hai ke hum aik dosray ka sath nahi choden ge aik dosray se judai ko mout tasawwur kya jata hai.

Taham waqt guzarnay ke sath baaz auqaat kuch adhuri tawaquaat ya ird gird ke awamil ke hathon dilon mein kuch aisi ghalat fehmiya paal li jati hain jin ke baais dono qalbi tor par aik dosray se judda ho jatay hain aur mohabbat jaissa pakeeza ehsaa seen khatam hojata hai.

Aik report ke mutabiq pakistan mein gharelo nachaki, rishton ke taqaddus se na-ashani ke baais talaq ki sharah mein roz burrows khauf naak hadd tak izafah hota chala ja raha hai.

80 % Shadian qaim rehne ki wajah samaaj mein badnami ka khauf ya aulaad ke mustaqbil ka ehsas ban jata hai aur isi khauf, dar ki wajah se is rishta ko majaboori bana kar zindagi guzaar dete hain kyunkay hamara samaaj is baat ka shaoor hi nahi rakhta ke rishton mein hum ahangi kaisay peed a ki jati hai.

Shadi karne ka maqsad o hadaf mehez jinsi taskeen ko tasawwur kya jata hai. Is baat se la ilmi hoti hai ke is ka bunyadi maqsad mil jal kar khushi, ghami mein aik dosray ka sath dena hai.

Insan aik masharti janwar hai uski fitrat tanha zindagi busr karne ki soch ki nifi karti hai. Shadi ka talluq aik jeevan saathi ka sath hai jis ke shana bshanh zindagi ke nasheeb o frazz se guzarna hai is rishte mein jins mukhalif se jinsi talluq zaroor hai lekin hadaf ye nahi hai.

Ye bhi parhiye : Kam umar mein Shadi karne ke herat angaiz fawaid

Sawal ye hai ke Miyan Biwi ke darmain hum ahangi ki madad se mohabbat kaisay barh sakti hai aik dosray ko ahmiyat dainay se mohabbat ka ye rishta ta-dair qaim reh sakta hai agar khuda na khawasta  dono ke darmain larai jhagrre aur aik dosray ko neecha dikhaane ka muqaabla barh chuka ho is mauqa par zurori hai ke dono aik dosray ke sath rishta ki ahmiyat ko jan-nay ke liye rishta izdiwaj mein anay wali darar ke roots ya wo khamiyan talaash karen ke jis ki wajah se mohabbat ka ye rishta nafrat mein na chahtay hue badal raha hai.

Aapas mein baith kar ye tey karen ke un mamlaat ka hamari zindagi se vaastaa hai aur un se nahi hai. Kya ahem hai aur kya nahi. Hamaray ghar mein ye guftagu honi chahiye ya ye baat cheet zair behas laane ki zaroorat nahi.

Sath hi boundary set karen ke aik dosray ke kin mamlaat mein dakhal nahi dena. Phir is moahida par mukammal amal kya jaye is douran aik dosray ko support karen taa ke ye achi aadat pukhta ho sakay.

Ye bhi parhiye : Shadi karne se mard aur aurat ko kya faida hota hai

Isi terha aik dosray ki izzat karen aur ahmiyat ko tasleem karen. Farz karen agar aap pesha ke lehaaz se dr hain aur aap ka life partners gharelo khatoon hai to aap apni mazboot position par reh kar is ki kamzor position ya mamlaat ko zair behas na layein kyunkay ye maamla mohabbat ko doori aur phir nafrat mein badal deta hai.

Mohabbat ka taqaza to ye hai ke dosray fard ko harnay na diya jaye aur amli tor prih ta-assur diya jaye ke tumhari jeet hi meri jeet hai tumhara agay barhna kamyaab hona meri kamyabi ya jeet hogi.

Aik aur ahem baat ye hai ke bachon ke samnay hargiz jhagra ya behas behas na karen. Ye bhi dekha gaya hai ke bohat se log apne bachon se aik dosray ki buraiee karte rehtay hain. Is amal se bachay apne walidain ki izzat karna chore dete hain aur bohat se nafsiati masail ka bhi shikaar ho jatay hain.

Khushgawar gharelo mahol ka qiyam ehtram, bardasht aur qurbani ke jazbaat ke baghair mumkin hi nahi. Lau marrage ho ya arranged, uski kamyabi keliye Miyan aur Biwi dono ka bunyadi mamlaat par aik page par hona pehli shart hai.

Agar Miyan aur Biwi un tamam cheezon ko mad e nazar rakhen to na sirf un mein pyar o mohabbat barhay ga balkay wo ghar ko jannat bhi bana satke hain.

Is tehreer ke hawala se agar koi cheez aap ki samajh mein nahi aayi hai ya aap mazeed maloomat haasil karna chahtay hain to aap hamein comments kar satke hain. Aap ke har sawal, har comments ka jawab diya jaye ga.

Agar aap ko ye tehreer achi lagi hai to aap usay Social Media par share kar satke hain. Taakay aap ke dost ahbaab ki bhi behtar tor par rahnmayi ho sakay.