Kamyabi aur Nakami mein Yaqeen ka kirdar

Kamyabi aur nakami mein yaqeen ka kirdar

Kamyabi aur Na-kami ka Dar-o-Madar Yaqeen par hota hai. Yaqeen kaamil Kamyabi ki Kunji (chaabi) hai. Koi bhi cheez haasil karne se pehlay zaroori hai ke aap ko Yaqeen ho ke aap usay haasil kar satke hain.

Aap ki zindagi wohi kuch hai jo aap Yaqeen karte hain. Lehaza kamyabi haasil karne ke liye aap ko Yaqeen hona chahiye ke aap kamyaab ho jayen ge. Kyunkay aap jaisa Yaqeen karte hain waisay hi ho jata hai.

Yaqeen kya hai – Yaqeen ki tareef

Yaqeen ka matlab Allah ki zaat par mukammal bhrosa aur itminan hai. Koi bhi shakhs khuwa wo kisi bhi mazhab ka ho is ka apne mabood par yaqeen hi is ke mazhab ko zindagi bakhshta hai. Kaha jata hai ke aap jaisa yaqeen karte hain waisa hi hota hai.

Yaqeen se matalqa tajarbaat

Is mafroozay ko jhanchne ke liye aik dilchasp tajarba kya gaya. Saza e mout ke qaidi ko kaha gaya ke usay phansi par latkanay ke bajaye saanp se dasaya jaye gaya.

Chunancha qaidi ko laya gaya aur is ki aankhon par patti bhaand di gayi. Aur 2 sawaiyan bayak-waqt is ke jism mein is terha chaboi gayeen jaisay saanp dang maarta hai.

Is waqt sab ki herat ki intahaa na rahi jab wo shakhs tarap tarap kar mar gaya. Ye sab is shakhs ke sath is liye hawa ke is shakhs ko yaqeen ho gaya tha ke jab saanp mujhe katay ga to mein mar jaoon ga, aur isi yaqeen ne is ki jaan le li.

Isi baat ko sach saabit karne ke liye aik aur tajurbah kya gaya. Aik hospital mein 2 aik jaisi takleef walay mareezon ka intikhab kya gaya. Jin ke liye Doctoron ne operation tajweez kya hawa tha. Un mein se aik ka operation kya gaya aur dosray ko sirf cheera laga kar silai kar di gayi.

Kuch dinon ke baad jab dono ke dard ka moazana kya gaya to ye na qabil yaqeen inkishaaf hawa ke dono ko aik jaisa aaraam aa chuka tha. Is ki wajah yahi thi ke jis ko sirf cheera laga tha usay bhi yaqeen ho gaya tha ke is ka operation ho chuka hai. Ab usay koi masla nahi ho ga.

Qeht saali ke dinon mein aik Masjid se Ellan hawa ke kal falan maqam par Namaz e Istasqa (Barish talabb karne ke liye parhi jane wali namaz) parhi jaye gi. Dosray din gaon ke sab log Namaz parhnay ke liye aaye aur 1 shakhs chatari (umbrella) le kar aaya.

Kya aap ko maloom hai ke wo chatrai le kar kyun aaya, kyun ke usay yaqeen tha ke Namaz e Istasqaa ki wajah se barish ho jaye gi. Ye hota hai yaqeen kaamil.

Molana aur dehati ke yaqeen ka waqea

Yahan par mujhe aik aur waqea yaad aa raha hai. Kisi shehar mein aik molana sahib jummey ka khutba diya karte thay. Un ke khutba suneney ke liye daur daur se log aaya karte thay.

Molana sahib ki baton mein aisa jadu tha ke sab mashooor ho reh jatay. Daur daur se anay walon mein aik dehati bhi tha jo un ka bohat bara aqeedat mand tha.

Is ka gaon shehar se kaafi daur tha. Aur rastay mein aik darya bhi tha. Kashti ke intzaar aur darya uboor karne mein usay kayi ghantay lagtay. Chunancha jummey ko molana sahib ka khutba suneney ke liye wo mun andheray hi gaon se rawana ho jaya karta tha.

Aik din molana sahib ne khutba dete hue farmaya. Ke agar insaan ko Khuda ki zaat par mukammal yaqeen ho. To wo Bismillah بسم اللہ parh kar har kaam kar sakta hai hatta ke agar wo Bismillah parth kar darya mein utar jaye to darya bhi is ke liye rasta bana deta hai.

Dehati ko molana sahib ki har baat par makamal yaqeen tha. Wo khush tha ke ab usay kashti ka intzaar nahi karna parre ga balkay wo Bismillah parth kar darya uboor kar liya kere ga.

Chunancha wapsi par is ne Bismillah parhi aur darya mein utar gaya aur Bismillah parthe hue aasani ke sath darya paar kar liya. Ab wo har jummey Bismillah parthtey hue aasani ke sath darya paar kar laita aur molana sahib ko dheron duayen deta.

Dehati ke dil mein molana sahib ki mohabbat aur aqeedat ka darya josh maarny laga to is ne molana sahib ko apne ghar khanay par bulaya.

Molana sahib ne dehati ki dawat qubool kar li aur jummey ki namaz ke baad dono dehati ke ghar ki taraf rawana hue. Darya ke qareeb puhanche to wahan koi kashti mojood na thi. Molana sahib ne poocha ke kashti kab aaye gi.

Dehati nojawan ne kaha: molana sahib kashti ki kya zaroorat hai. Aap ne hi to bataya tha ke agar insaan ko Khuda ki zaat par mukammal yaqeen ho. To wo Bismillah parh kar har kaam kar sakta hai hatta ke agar wo Bismillah parh kar darya mein utar jaye to darya bhi is ke liye rasta bana deta hai. Ye keh kar is dehati ne Bismillah parhi aur darya uboor kar gaya.

Molana sahib ne jab ye dekha to pareshan ho gaye. Kabhi sochte ke Bismillah ka vird karoon aur darya mein utar jayen aur kabhi darya ki lehron ki tugyani ko dekhte hue dar jatay.

Kaafi soch bichaar ke baad unhon ne paas ke darakht ke sath rassi ka aik serra bhanda aur is ka dosra serra apne haath mein liya aur Bismillah ka vird karte hue darya mein qadam rakh diya.

Molana sahib pehlay qadam par hi dagmaga parre aur darya ki lehron ne molana sahib ko apni agosh mein le kar hamesha hamesha ki neend sulaa diya. ye waqea parh kar aap ko yaqeen kaamil ki taaqat ka ilm ho gaya ho ga.

Inaam mein yaqeen ka kirdaar

Kya aap jantay hain ke pehla Inaam Zaheen ko nahi balkay Yaqeen ko milta hai. Is liye hamesha Allah taala ki zaat aqes par poora yaqeen rakhen. Kyunkay har achay kaam mein Allah taala ki madad shaamil hoti hai.

Is liye yaqeen kaamil bana len ke Allah taala ki madad se aap har cheez kar satke hain. Har maqsad mein kamyabi haasil kar satke hain aap jo kuch kar rahay hain agar aap ko is mein nakaam honay ka zarra sa bhi shak hai. To wo kaam na karen. Kyunkay aap nakaam ho jayen ge.

Kamyabi mein yaqeen aur tawaqo ka kirdaar

Aap jis cheez ki tawaqqa karte hain wohi haasil karte hain. Agar aap moajezay ki tawaqqa karen ge to aap ka dimagh is moajezay ke liye kaam karna shuru kar day ga aur aap wo moujza kar deikhein ge.

Kamyabi ke liye ounchay khawab aur sakht mehnat ke ilawa aap ko kamyabi ki tawaqqa bhi honi chahiye. Tawaqqa ko haasil karne ke liye zaroori hai ke aap ko apni salahiyaton par, apni khawaishat par aur apni kamyabi par makamal yaqeen ho.

Ye Duniya sirf un logon ke liye bani hai. Jin ko Khud Par Aetmaad hota hai jab aap ko yaqeen ho ke Aap Kar Satke hain, to Kaise khud-bakhud zahir ho jata hai.

Is duniya mein koi bhi cheez namumkin nahi hai. Sirf aap ko is ke husool ka makamal yaqeen hona chahiye.

Hum zindagi mein aik do baar nakaam honay ke baad yaqeen kar letay hain ke kamyaab nahi hon ge. Aur phir hum hamesha nakaam ho jatay hain.

Lehaza hamesha achay ki umeed rakhen. Kabhi bhi buray ya badtareen ki tawaqqa na karen. Moajezay ki tawaqqa karen ge to moajezay runuma hon ge. Yaqeen hi se cheezen mumkin aur namumkin hoti hain.

Wo yaqeen hi hota hai jo ap ke mustaqil ke nataij ke hawalay se tawaquaat peda karta hai, aap ki tawaquaat aap ke ravaye ka taayun karti hain aur aap ka rawayya aap ke kirdaar ka taayun karta hai. Tawaquaat ki bunyadain haqayiq par nahi balkay aap ke yaqeen par khari hoti hain.

Is liye tawaquaat ke hawalay se mohtaat rehna zaroori hai. Khynkay aap jis cheez ki tawaqqa karte hain. Aksar auqaat waisa hi ho jata hai. Kamyaab log musbat tawaqqa rakhtay hain aur nakaam log manfi tawaqqa rakhtay hain.

Yaqeen par ashaar (Poetry)

Yaqeen ki raah pay chal parre unhen manzlon ny panah di

Jinhain waswason ny dara diya woh qadam qadam pay behak gaye

khud itmadi ka jazba

Kamyab  zindagi aur mukammal shakhsiyat ke liye jis cheez ki insaan ko sab se ziyada zaroorat hoti hai, woh is ka aatmad hai. Agar aap ko apni kamyabi par shak hai to aap kabhi bhi kisi bhi field mein kamyaab nahi ho satke.

Woh Aetmaad hi hota hai jo kamyabi ko aap ke qadmon mein laa kar nichhawar karta hai. jo shakhs khud itmadi aur Khuda ki zaat par yaqeen rakhtay hue agay barhta hai usay kamiyabiyan mil kar hi rehti hain.

Khud itmadi ke hawalay se aap hamari tehreer kamyabi ka raaz khud aitmadi mein hai parh satke hain. agar aap bhi apni zindagi mein kamyaab hona chahtay hain aur Kamyabi haasil karna chahtay hain to aap hamari Website par Kamyabi se mutaliqa tahreerein parh satke hain.

Note : Is tehreer se mutaliqa agar koi cheez aap ki samajh mein nahi aayi hai ya aap mazeed maloomat haasil karna chahtay hain to aap hamein comments kar satke hain.

Aur agar aap ko ye tehreer achi lagi hai. To isay social media par zaroor share karen. Taakay aap ke Dost ahbaab ki bhi behtar tor par rahnumaiye ho sakay.