Kamyabi kya hai aur kaise milti hai – Secret of Success in Urdu

Kamyabi Kya Hai? Kamyabi Ke Usool | Kamyab Zindagi Ka Raaz

Kamyabi Kya Hai?

Duniya mein taqreeban har fard kamyabi ki khawahish rakhta hai aur kamyaab zindagi guzaarna chahta hai. Kisi ke nazdeek maal o doulat haasil karna kamyabi hai to kisi ke nazdeek izzat o shohrat,

Koi zehni sukoon aur itminan-e-qalab ko kamyabi qarar deta hai to koi khushi aur achi sehat ko, kisi ke nazdeek mohabbat ka husool kamyabi hai to koi iqtidaar ko kamyabi ki alamat samjhta hai.

Koi achi family ko kamyabi ki alamat qarar deta hai to koi apne payshay mein urooj haasil karne ko kamyabi kehta hai, kisi ke nazdeek apni pasand ke mutabiq zindagi busr karna kamyabi hai to khauf, pareshani aur tension se nijaat wali zindagi ko kamyabi samjhta hai.

Kisi ke nazdeek izzat-e-nafs kamyabi hai to koi maali be-fikari ko kamyaab gardanta hai, koi aala taleem ko kamyabi samjhta hai to koi apne maqsad mein surkhuru honay ko kamyabi kehta hai.

Kisi ke nazdeek jeet kamyabi hoti hai to koi kisi aur ke labon par muskurahat bikharnay ko kamyabi kehta hai. Algaraz agar ye kaha jaye to ghalat na ho ga ke har shakhs ke liye kamyabi ka allag zavia hota hai aur har bandah apni khwahish mein surkhuru honay ko kamyabi samjhta hai.

Logon ki aksariyat maali khush-haali aur doulat chahti hai. Umooman kamyabi ke sath doulat khud-bakhud chali aati hai. Insani kamyabion aur khushi mein doulat ka kirdaar ahem hai. Doulat agarchay khushi mein izafah karti hai magar ye mustaqil tor par khushi ki wajah nahi ban sakti.

Har fard ko khushi aur sukoon mukhtalif andaaz se haasil hota hai aur har fard ka maqsad hayaat bhi mukhtalif hota hai, lehaza har fard ke liye kamyabi ka mafhuum bhi mukhtalif hai.

Aik fard ilm haasil karna chahta hai to dosra doulat, koi izzat o shohrat haasil karna chahta hai to koi iqtidaar.  Ab chunkay har shakhs ke liye kamyabi ka apna miyaar hai to aisay mein kaisay har shakhs ki madad ki jaye.

Pareshan honay ki zaroorat nahi hai Help Urdu ka maqsad hi aap ki zindagi mein aasaniyan lana hai. Aaj ki tehreer mein hum aap ko bitayen ge ke wo kon se usool hain ke jin par amal pera ho kar aap kamyabi haasil kar satke hain, chahay aap ke liye kamyabi ka miyaar kuch bhi ho.

Kamyabi ka Raaz – Secret of Success in Urdu

Kamyabi ke usoolon ko khojanay ki zaroorat hi nahi hai. Aap yahan par di gayi sirf aik hadees mubarikah? Ka mutalea kar len, aap ko –apne har sawal ka jawab mil jaye ga.

Kamyabi ke usool se mutaliq jame hadees

Aik Badoo Rasool Allah (SAW) ke darbaar mein haazir hua aur arz ki Ya Rasool Allah (SAW) mein kuch poochna chahta hon. Aap (SAW) Ki taraf se ijazat milnay par us ne mandarja zail sawalaat kiye :

  • Arz ki Ya Rasool Allah (SAW) mein ameer ( ghanni ) ban-na chahta hon – farmaya qanaat ikhtiyar karo ameer ho jao ge.
  • Arz ki mein sab se bara aalam ban-na chahta hon – farmaya taqwa ikhtiyar karo aalam ban jao ge.
  • Arz ki izzat wala ban-na chahta hon – farmaya makhlooq ke samnay haath phelana band kar do, ba izzat ho jao ge.
  • Arz ki acha aadmi ban-na chahta hon – farmaya logon ko naffa ponchao.
  • Arz ki adil ban-na chahta hon – farmaya jisay –apne liye acha samajte ho wohi doosron ke liye pasand karo.
  • Arz ki taaqatwar ban-na chahta hon – farmaya allah taala par tawakkal karo.
  • Arz ki allah taala ke darbaar mein khaas khasusiyat ka darja chahta hon – farmaya kasrat se zikar karo.
  • Arz ki rizaq ki kushadgi chahta hon – farmaya hamesha bawazo raho.
    Arz ki duaon ki qabuliat chahta hon – farmaya haraam na khao.
  • Arz ki imaan ki takmeel chahta hon – farmaya achay ikhlaq peda kar lo.
  • Arz ki qayamat ke roz allah taala se gunaaho se pak ho kar milna chahta hon – farmaya janabat ke baad foran ghusal kya karo.
  • Arz ki gunaaho mein kami chahta hon – farmaya kasrat se astaghfar kya karo.
  • Arz ki qayamat ke din noor mein uthna chahta hon – farmaya zulm karna chore do.
  • Arz ki chahta hon allah taala mujh par reham kere – farmaya allah taala ke bundon par reham karo.
  • Arz ki chahta hon allah taala meri parda poshi farmaen – farmaya logon ki parda poshi karo.
  • Arz ki ruswai se bachna chahta hon – farmaya zina se bachcho.
    Arz ki chahta hon Allah Taala aur is ke Rasool (SAW) ka mehboob ban jaoon – farmaya jo Allah Taala aur is ke Rasool (SAW) ka mehboob ho, usay apna mehboob bana lo.
  • Arz ki allah taala ka farmanbardar ban-na chahta hon – farmaya faraiz ka ihtimaam karo.
  • Arz ki ahsaan karne wala ban-na chahta hon – farmaya allah taala ki aisi bandagi karo jaisay tum usay dekh rahay ho ya jaisay wo tumhen dekh raha hai.
  • Arz ki Ya Rasool Allah (SAW) kya cheez gunaaho ki maffi dilay gi – farmaya ansoo, aajzi, bemari.
  • Arz ki kya cheez dozakh ki aag ko thanda kere gi – farmaya duniya ki musibaton par sabr.
  • Arz ki allah taala ke ghusse ko kya cheez sard karti hai – farmaya chupkay chupkay sadqa aur sulah rehmi.
  • Arz ki sab se barri buraiee kya hai – farmaya bad ikhlaqi aur bukhal – arz ki sab se barri achhai kya hai.
  • Farmaya achay ikhlaq tawaza aur sabr – arz ki allah taala ke ghusse se bachna chahta hon – farmaya logon par gussa karna chore do.

Aap dekh satke hain ke sirf is aik hadees mein zindagi ke tamam pehlu ke mutaliq khatir khuwa maloomat day di gayi hain.

Kamyaab honay ke liye zaroori hai ke aap ko khud par aetmaad ho, aur is ke baad allah taala ki zaat par yaqeen, phir dekhe kamyabi kaisay aap ke qadam chumati hai.

Agar aap bhi apni zindagi mein kamyaab hona chahtay hain aur kamyabi haasil karna chahtay hain to aap hamari website par kamyabi se mutaliqa tahreerein parh satke hain. Kamyabi se mutaliqa aap hamari mandarja zail tahreerein parh satke hain.

  1. Kamyabi ka raaz khodaatmadi mein hai.
  2. Yaqeen kya hai, kamyabi aur nakami mein yaqeen ka kirdaar hota hai
  3. Quwat Bardashat Kamyabi ki Kunji hai.
  4. Khushi kya hai aur kaisay haasil ki jati hai.
  5. Musbat aur manfi soch kamyabi par kaisay asar andaaz hoti hai.

 

Ye Tehree parh kar ap jaan gay hon gay ke Kamyabi Kya Hai? aur kaise hasil hoti hai, Kamyabi Ke Usool aur raaz kon kon se hain, Kamyab Zindagi guzarne ka tarika kya hai.

Is tehreer se mutaliqa agar koi cheez aap ki samajh mein nahi aayi hai ya aap mtzkrh baala tehreer ke hawala se mazeed maloomat haasil karna chahtay hain to aap hamein comments kar satke hain. Aap ke har sawal, har comments ka jawab diya jaye ga.

Agar aap ko ye tehreer achi lagi hai to aap usay social media par bhi share kar satke hain. Taakay aap ke dost ahbaab ki bhi behtar tor par rahnumaiye ho sakay.